سوال

میری  بہن نے دماغی علوم  (mind sciences) کے تعلیمی کورس کئے ہیں، اور وہ اس کو بطور پروفیشن استعمال کرتی ہیں، جس میں ریکی ہے، اسکیننگ ہے، ریکی میں مختلف جیپنیز سیمبل ہیں،  جن سے بہن کو ان کے استاد نے جوڑا ہے، اور بتایا گیا  کہ کسی  بھی شخص یا مریض  کو ریکی دینے کے لیے  پہلے اللہ تعالیٰ سے دعا کرکے  ان سیمبل کو  کال کرکے  ریکی  شروع کرنی ہوتی ہے۔ جب کہ  اسکیننگ میں مختلف  دائروں / طول وعرض  میں داخل ہوکر چیزوں یامعلومات کا پتہ کرتے ہیں،  سوال یہ ہے کہ کیا یہ سب جائز ہے تو بہن جاری رکھے ورنہ چھوڑدے؟

جواب

دماغی علوم  (mind sciences) کی تعلیم حاصل كرنے اور  اس کے ذریعے علاج  کے  جائز ہونے کے لیے شرعاً   یہ ضروری ہے کہ اس میں  جو الفاظ استعمال کیے جائیں ان کا معنی اور مفہوم معلوم ہو اور شرکیہ الفاظ  نہ ہو،اور نہ ہی شیطان اور غیر اللہ سے مدد حاصل کی جاتی ہو اور نہ ہی کسی اور غیر شرعی  کام  کا ارتکاب کیا جاتا ہو،  بلکہ صرف  جائز طریقوں سے مشقوں وغیرہ کے ذریعے سے یہ سیکھ کر مخلوق کا علاج کیا جائے ، اور اس میں جو الفاظ کہے جائیں ان کا معنی ومفہوم بھی معلوم ہوتو اس کی گنجائش ہے۔  اگر اسے کسی  ناجائز مقصد کے لیے اس کا استعمال کیا جائے، یا اس میں شرکیہ کلمات کہنے پڑتے ہوں ، یا غیر اللہ سے مدد حاصل کی جاتی ہو، یا کوئی اور خلافِ شرع بات پائی جاتی ہو یا ان کے کلمات کے معنی ومفہوم معلوم نہ ہوں تو اس کا استعمال جائز نہیں ہوگا ۔

 ریکی کے بارے  میں جو معلومات حاصل ہوئی ہیں، اس کے مطابق ریکی غیر مسلموں کی جانب سے ایجاد کردہ ایک طریقہ علاج ہے،  جس میں معالج ظاہری طور پر یا دور سے خیال و تصور میں اپنا ہاتھ مریض کے جسم پر رکھتا ہے اور ریکی کے مخصوص الفاظ (سمبل اور کوڈز) دہراتے ہوئے مریض کے اندر انرجی منتقل کرتا ہے اور مریض اپنے آپ کو شفایاب محسوس کرتا ہے۔ اس طریقہ علاج میں چند سمبل اور کوڈز بھی استعمال کیے جاتے ہیں۔ مثلاً:

1۔چو، کو، رے (cho.ku.rei) اس کا مطلب ہے: "توانائی یہاں رکھ دو" یا  پھر"خدا یہاں ہے"۔

2۔سے،ہی،کی  (sei.hei.ki) اس کا مطلب ہے: "کائنات کی  کنجی" یا  " آدمی اور خدا ایک ہو رہے ہیں"۔

3۔ہون۔شا۔زی۔شو۔نین (hon.sha.ze.sho,nen ) اس کا مطلب ہے: "میرا اندر کا بدھا (بدھ مت خدا) پہنچتا ہے  تمہارے اندر کے بدھا تک؛ تاکہ اس کے نور اور  ادراک کو بڑھائے"۔

(العیاذ باللہ)۔ان میں بعض کوڈ شرکیہ مفہوم رکھتے ہیں، جیسا کہ کوڈ نمبر 2 اور کوڈ نمبر 3 بالکل غلط ہے؛ اس لیے اس جیسے الفاظ سے علاج کرنا جائز نہیں ہے، باقی وہ الفاظ جن کا معنی شرکیہ نہیں اور نصوصِ شرعیہ سے متصادم بھی نہ ہوں، تو ان الفاظ سے علاج کرنا جائز ہے، البتہ ایسے الفاظ جن کا معنی اور مفہوم واضح نہ ہو ان الفاظ سے علاج کرنا مکروہ ہے، اس سے اجتناب ہی کرنا چاہیے؛ تاکہ شرک وغیرہ میں داخل نہ ہوں۔

باقی اسکیننگ کا استعمال کس طرح اور کس مقصد کے لیے ہوتا ہے، اس کی مکمل تفصیل ارسال کردیں تاکہ اس کو دیکھ کر  جواب دیا جاسکے، باقی اصولی جواب اس کا بھی وہی ہے جو ماقبل تمہید میں   موجود ہے۔

فتاوی شامی میں ہے: