سوال

 میری عمر تقریباً 40 سال ہے ۔17 سال کی عمر میں ایک دماغی عارضے میں مبتلا ہو گیا تھا ۔ ابھی تک اس بیماری کے اثرات ہیں۔ اب کچھ زیادہ ہی بڑھ گئی ہے بیماری ۔ میں نے ایک تقوی دار مفتی صاحب سے اس بارے میں بات کی تو انہوں نے کہا کہ یہ سب گناہوں کا نتیجہ ہے ۔ (گناہ تو واقعی بہت تھے) مفتی صاحب کہتے ہیں کہ جب تک قضا نمازیں گزشتہ گناہ اور قضا روزے وغیرہ کا حساب نہیں پورا ہو گا اس وقت تک زندگی میں سکون نہیں آئے گا اور ڈاکٹر کے پاس جانے کا کوئی خاص فائدہ نہیں ہوگا ۔ لیکن میری بیماری ایسی ہے جس میں تمام احکامات پر عمل نہیں کرسکتا ۔ کیا مفتی صاحب کی بات %100 درست ہے ۔ اور ڈاکٹر کے پاس جانا چاہیے ؟

جواب

صورتِ مسئولہ  میں  بے شک گناہوں سے پرہیز لازم ہے، اور جو نمازیں اور روزے ذمے  پر  لازم  ہیں،  ان کی قضا کا اہتمام کیا جائے، تاہم  کسی دین دار  اور متعلقہ مرض کے ماہر کسی  ڈاکٹرکے پاس بھی ضرور جائیں ،علاج کروانا سنت ہے۔ 

فقط واللہ اعلم