سوال

اگر لڑکا لڑکی سے جبرًا نکاح کرنا چاہے اور لڑکی اور اس کے والدین کی یہ رشتہ طے کرنے کی کسی صورت میں کوئی مرضی نہ ہو اور لڑکا پھر والدین اور لڑکی کو قتل کرنے کو مکمل تیار ہوجائے تو اگر پھر لڑکی اس خوف سے زبانی اقرار نکاح کر دے، بعد میں لڑکی جب عدالت سے رجوع کرے اور یہ حقیقت سن کر عدالت لڑکی کو والدین کے حوالے کر دے تو کیا یہ نکاح شرعی لحاظ سے منعقد ہوگیا؟

جواب

بصورتِ مسئولہ اگر لڑکی  نے دل سے راضی نہ ہونے کے باوجود لڑکے کی دھمکی  کے دباؤ میں آکر زبانی طور پر اس نکاح کو قبول کرلیا تھا یا کسی کو  اجازت دے کر قبول کا وکیل بنالیا تھا اور باقاعدہ گواہان کی موجودگی میں ایجاب قبول ہوگیا تھا تو اس صورت میں یہ نکاح منعقد ہوچکاتھا، اب نکاح کو ختم کرنے کے لیے شوہر کا طلاق دینا یا خلع پر راضی ہونا ضرہوری ہے، ورنہ نکاح برقرار رہے گا۔ فقط واللہ اعلم