سوال

ریٹائرمنٹ کے بعد مجھے رقم ملی، میں نے وہ بینک کے ڈیفنس سیونگ سرٹیفکیٹ اکاؤنٹ میں جمع کی، جس سے ہمیں نفع ملتا ہے، کیا یہ منافع جائز ہے؟

جواب

صورت مسئولہ میں سائل کو مذکورہ اکاؤنٹ سے منافع کے نام جو رقم مل رہی ہے وہ شرعاً سود کے حکم میں ہے اور شریعت کی رو سے سودی لین دین ناجائز اور حرام ہے، لہذا سائل کو چاہیے کہ اس اکاؤنٹ سے اپنی جمع کردہ خالص رقم جو ریٹائرمنٹ کے وقت ملی تھی اس کو نکال کر اس اکاؤنٹ کو بند کردے یا پھر چھوڑدے، اور اب تک جو رقم منافع کے نام پر استعمال کی،اتنی رقم صدقہ کردے۔

مشکاۃ المصابیح میں ہے:

"عن جابر رضي الله عنه قال: ‌لعن ‌رسول الله صلى الله عليه وسلم أكل الربا وموكله وكاتبه وشاهديه وقال: "هم سواء".

(‌‌كتاب البيوع‌‌، باب الربا‌‌، الفصل الأول: 244، ط: قدیمی)

فقط واللہ اعلم