سوال

محترم جناب مفتیان کرام اگرکوئی اللہ اوراس کے دین کا باغی اور کٹر دشمن ہلاک ہوجائے تو اس سے نجات کی خوشی میں مٹھائی کھاناجائزہے جب کہ ایسا شخص امت کے لیے ناسور کی حیثیت رکھتاہو؟ قرآن وسنت اورسیرتِ صحابہ کی روشنی میں واضح فرمائیں۔ جزاک اللہ خیرا

جواب

واقعتاً اگرکوئی اللہ اوردین کاباغی(کافر) ہو اوراس کاوجود امت مسلمہ کے لیے خطرہ ہو توایسے شخص کی ہلاکت کی صورت میں خوشی کااظہارثابت ہے، نبی کریم صلی اللہ علیہ وسلم نے کعب بن اشرف یہودی،ابورافع یہودی اورعصماء یہودیہ کے قتل پرمسرت وخوشی کااظہارفرمایا۔ تاہم خوشی کے اظہار کے لیے ضروری نہیں کہ مٹھائی ہی تقسیم کی جائے ۔۔ فقط واللہ اعلم