سوال

 دس سال کی بچی کو 6مئی کو پہلی دفعہ حیض آیا جو پورا وقت براون رنگ کا رہا اور نو سے دس دن تک رہا، 16 مئی تک فارغ ہوئی، مگر آج یعنی 26 مئی کو دوبارہ شروع ہو گیا جو سرخ رنگ کا ہے، رہنمائی فرما دیجے کہ پہلے والا حیض تھا یا نہیں؟ اور اب جو دوبارہ آج شروع ہوا ہے وہ حیض ہو گا یا استحاضہ کہلائے گا؟

جواب

صورتِ مسئولہ میں 6 مئی سے 15 مئی تک ایامِ حیض شمار  ہوں گے، جب کہ 26 مئی کو آنے والا خون استحاضہ کا شمار ہوگا، البتہ اگر یہ خون جاری رہتا ہے،  اور 30 مئی کے بعد  تین جون تک  یا اس کے بعد بھی جاری رہا، تو ایسی صورت میں یکم جون سے جتنے دن خون جاری رہا اتنے ایام حیض شمار ہوں گے، البتہ دو  جون  تک اگربند ہو گیا تو اس صورت میں 26 مئی سے آنے والا سارا خون استحاضہ شمار ہوگا۔ فقط واللہ اعلم