سوال

میری عادت 7 دن حیض کی تھی،لیکن بچہ پیدا ہونے کے بعد تقریباً  5 سال سے مجھے خون 11 یا 12 دن تک آتا ہے، کبھی شاذ و نادر 9 دن بھی آجاتا ہے۔اب اس صورت میں 7 دن جو میری پہلی عادت تھی وہ نکال کر نمازیں شروع کروں یا 11 دن پر جب پاک ہو جاؤں؟

جواب

اگر سائلہ کی عادت 7 دن حیض کی تھی اور اس کے بعد اسے 11 یا 12 دن خون آیا تھا تو 7 دن حیض کے تھے اور بقیہ دن استحاضہ کے تھے، اگر کسی مہینے 9 دن خون آتا ہے اور پھر اگلے مہینے دس دن سے زائد خون آتا ہے تو 9 دن حیض کے اور بقیہ دن استحاضہ کے ہیں،  لہذا اس تفصیل کو مدِ نظر رکھ کر حیض کے دن گزر جانے کے بعدغسل کرکے نمازیں پڑھی جائیں۔  فقط و اللہ اعلم