سوال

کیا فرماتے ہیں مفتیان کرام اس مسئلہ کے بارے میں: کیا بلا ضرورت عورت غیر محرم مرد درزی سے سلائی کرا سکتی ہے؟

جواب

خواتین کے لیے بہتر یہی ہے کہ وہ کسی خاتون سے کپڑے سلوائیں، تاہم بوقتِ ضرورت یا فتنے کا اندیشہ نہ ہونے کی صورت میں عورت کے لیے غیر محرم درزی سے کپڑے سلوانا بھی جائز ہے،  اگر مرد درزی کے دل یا دماغ میں فاسد خیالات آئیں تو یہ گناہ ہوگا۔

یہ بھی واضح رہے کہ سلائی کے لیے نامحرم عورتوں کے جسم کا ناپ وغیرہ لینا بالکل ناجائز ہے۔

عن عبد اللہ رضی اللہ عنہ عن النبي صلی اللہ علیہ وسلم قال: المرأة عورة فإذا خرجت استشرفہا الشیطان. (ترمذي: ۱/۲۲۲)

فقط واللہ اعلم