سوال

داڑھی میں جویں نکل آتی ہیں باوجود دوائی استعمال کرنےکے ختم ہونے کانام ہی نہیں حتی کہ متعدی ہونے لگی توکیااس صورت میں داڑھی کم کرسکتے ہے؟

جواب

واضح رہے کہ داڑھی کم از کم ایک مشت تک رکھنا واجب ہے ، کاٹ کر ایک مشت سے کم کرنا ناجائز ہے اور  مستقل گناہ کا باعث ہے؛ کیوں کہ جب تک داڑھی دوبارہ ایک مشت تک نہیں بڑھ جاتی تب تک داڑھی کاٹنے والے گناہ گار  رہے گا۔

صورتِ مسئولہ میں داڑھی میں جویں ہوجانا یہ کوئی ایسا عذر نہیں جس کی وجہ سے  اتنے بڑے گناہ  کی اجازت  دی جائے،  بلکہ اس کا حل ممکن ہے ، یعنی مستقل صفائی ستھرائی کا اہتمام کیا جائے،   نہا دھو کر تیل لگایا جائے ، کنگھی  کی جائے اور داڑھی کی صفائی ستھرائی کی  ہر ایسی ممکن کوشش کی جائے جس سے آپ کا یہ مسئلہ حل ہوجائے ۔  فقط واللہ اعلم