اگر کسی کو احتلام نہیں ہوا ، پندرہ سال سے پہلے اور ہلکی ہلکی مونچھ اور ڈاڑھی نکلی تو بالغ سمجھاجائے گا؟
بالغ ہو نے کا مدار بلوغت کی علامات پر ہے، اگر علامات (احتلام،انزال وغیرہ) ظاہر ہوجائیں تو لڑکا بالغ شمار ہوگا، علامات ظاہر نہ ہوں تو قمری اعتبار سے پندرہ سال کا لڑکا بالغ شمار ہوگا، اور اگر بلوغت کی علامات ظاہر نہ ہوں، اور لڑکا پندرہ سال سے کم عمر کا ہو تو صرف ہلکی ڈاڑھی یا مونچھ ظاہر ہونے سے وہ بالغ شمار نہیں ہوگا۔
الدر المختار وحاشية ابن عابدين (رد المحتار) (6/ 153):
"(بلوغ الغلام بالاحتلام والإحبال والإنزال) والأصل هو الإنزال (و الجارية بالاحتلام والحيض والحبل) ولم يذكر الإنزال صريحاً؛ لأنه قلما يعلم منها (فإن لم يوجد فيهما) شيء (فحتى يتم لكل منهما خمس عشرة سنةً، به يفتى) لقصر أعمار أهل زماننا".
فقط واللہ اعلم
فتوی نمبر : 144211201135
دارالافتاء : جامعہ علوم اسلامیہ علامہ محمد یوسف بنوری ٹاؤن