سوال

اس سال سعودی عرب میں فطرانہ کتنے ریال ہے?

جواب

 آپ سعودی عرب میں ہیں تو آپ وہیں کے اعتبار سے صدقہ فطر ادا کریں، اور صدقہ فطر گندم، جو، کھجور، اور کشمش وغیرہ سے یا ان کی قیمت سے  ادا کرسکتے ہیں، اگر  صدقۂ فطر گندم سے دینا چاہتے ہیں تو پونے دو کلو گندم یا  وہاں  بازار میں  اس کی جو قیمت ریال کی صورت میں ہو وہ کسی مستحق کو دے دیں، احتیاطاً دو کلو گندم کا حساب کرلیجیے۔ اور جو، کھجور اور کشمش وغیرہ سے دینا چاہتے ہیں تو یہی  اشیاء ساڑھے تین کلو یا ان کے ساڑھے تین کلو کی وہاں بازار میں جو قیمت ہے،  وہ وہاں سے معلوم کرکے اس کے مطابق صدقہ فطر  ادا کردیں۔

عام حالات میں قیمت سے ادا کرنا زیادہ بہتر ہے؛ تاکہ مستحق اپنی ضرورت کے مطابق اپنی ضرورت پوری کرسکے۔فقط واللہ اعلم