سوال

ایک صاحب نے بتایا کہ دم کیا ہوا پانی آگ پر نہیں رکھ سکتے، کیا یہ درست ہے یاغلط؟ اس صورت میں کیا کیا جائے؟ 

جواب

واضح رہے کہ دم کیا ہوا پانی اور زمزم کا پانی قابلِ احترام ہوتا ہے،  اس پانی سے وہ کام نہیں کیے جا سکتے جس میں اس پانی کی اہانت ہوتی ہو مثلاً استنجا کرنا۔  البتہ جن کاموں میں استعمال  کرنے سے اس پانی کے احترام میں کوئی فرق نہ آتا ہو  ایسے کام کرنے میں کوئی حرج نہیں، اب دم کیے ہوئے پانی کو آگ پر رکھنا کوئی ایسا کام نہیں جس سے اس  پانی  کی  بے احترامی ہوتی ہو؛  اس لیے دم کیے ہوئے پانی کو آگ پر پکانے میں کوئی حرج محسوس نہیں کرنا چاہیے۔

الدر المختار شرح تنوير الأبصار وجامع البحار (ص: 175):

 "يكره الاستنجاء بماء زمزم لا الاغتسال."

فقط واللہ اعلم