سوال

ڈیری ملک چاکلیٹ باہر ملک سے آیا ہوا ہے کیا وہ حلال ہے  یا حرام؟  (E 476 ) (E 442)

جواب

جو ڈیری ملک چاکلیٹ پاکستان میں بنائی جاتی ہو یا کسی اسلامی ملک مثلاً:ملائیشیا وغیرہ سے درآمد کی جاتی ہو ایسی ڈیری ملک بلاتردد کھاسکتے ہیں۔

اور جو ڈیری ملک چاکلیٹ کسی غیر مسلم ملک میں بنی ہو اور اسے وہاں سے درآمد کیا گیا ہو اس کے استعمال میں احتیاط بہتر ہے، البتہ جب تک کسی چیز میں حرام اجزاء شامل ہونے کا قطعی علم نہ ہو اس وقت تک اس کا استعمال جائز ہے۔ ہاں اگر یقین اور تحقیق کے ساتھ معلوم ہوجائےکہ اس میں حرام اجزاء شامل ہیں تو اس کا استعمال ناجائز ہوگا۔

باقی حرام e-codes کی فہرست اور تفصیلات کے لیے اس فن کے مستند ادارہ  SANHA Pakistan کی ویب سائٹ  (http://www.sanha.org.pk/e-numbers)ملاحظہ فرمالیں۔ فقط واللہ اعلم