سوال

نیند کی صورت میں احتلام ہوجانے کی وجہ سے کچھ اشیاء (USB اور کچھ پیسے ) تھیں،  ان کو اگر منی لگ جائے تو وہ کس طرح پاک کر کے  قابلِ استعمال کی جائیں ؟  USB میں کچھ ضروری کتابیں اور دستاویزات ہیں ؟

جواب

کاغذی نوٹ کو پاک کرنے کے لیے اس پر پانی یا کوئی مائع چیز (پیٹرول) وغیرہ بہایا  جائے، ایک مرتبہ بہانے کے بعد جب قطرے ٹپکنا بند ہوجائیں تو دوبارہ بہادیا جائے، یوں تین مرتبہ کرنے سے وہ پاک ہوجائے گا۔ کرنسی نوٹ  صرف پانی سے خراب نہیں ہوتا، اگر اس کے خراب ہونے کا اندیشہ ہو تو اس مقصد کے لیے پیٹرول یا کوئی کیمیکل  بھی استعمال کیا جاسکتا ہے، کسی بھی پاک مائع سے نجاست زائل ہوگئی تو نوٹ پاک ہوجائے گا، پانی سے دھونا ضروری نہیں ہے۔

اسی طرح یو ایس بی کو بھی پیٹرول  وغیرہ پاک مائع سے  دھوکر   پاک کیا جاسکتا ہے۔  فقط واللہ اعلم