سوال

C S D ایک آرمی ادارہ ہے جو آرمی آفیسرز کو قسطوں پر گاڑی وغیرہ فروخت کرتے ہیں۔ جس کے شرائط مندرجہ ذیل ہیں:

 ایک سال میں اقساط ختم کرنے پر گاڑی کی قیمت مثلًا دس لاکھ ہوتی ہے،  لیکن دو سال میں قسط ختم کرنے کا ایگریمنٹ اگر آپ کرنا چاہتے ہو تو پھر اسی گاڑی کی قیمت 12 لاکھ ہوجاتی ہے،  اسی طرح اگر آپ تین سال میں اس کی اقساط ختم کرنے کا ایگریمنٹ کرلیتے ہیں تو وہ گاڑی آپ کو 13 لاکھ پر ملے گی۔

جواب

صورتِ مسئولہ میں CSD سے گاڑی وغیرہ  کی خریداری کے وقت اگر قسطوں پر خریدنا طے کرکے کل قیمت متعین کرلی جائے، (یعنی معاملہ کرتے ہوئے تردد نہ ہو کہ اگر اتنے عرصے میں قسطیں ادا کیں تو اتنی قیمت اور اتنے عرصے میں ادا کیں تو اتنی قیمت، بلکہ ایک قیمت اور دورانیہ مقرر کرکے  سودا کیا جائے) اور مقررہ وقت پر قسط ادا نہ کرسکنے کی صورت میں جرمانہ کی شرط نہ ہو تو خریداری جائز ہوگی۔ اور اگر مقررہ وقت پر قسط ادا نہ کرسکنے کی صورت میں جرمانہ لگایا جاتا ہو تو اس طرح کی شرط لگانا چوں کہ شرعاً جائز نہیں؛ اس لیے اجتناب لازم ہوگا۔ فقط واللہ اعلم

مزید تفصیل کے لیے درج ذیل فتویٰ ملاحظہ کیجیے:

سی ایس ڈی سے قسطوں پر اشیاء خریدتے ہوئے جرمانہ کی شرط سے عملًا بچنا