آج کل کرونا وائرس حالات میں حکومت نے اداروں کو ملازمین کی تنخواہوں کی ادائیگی کے لیے جو قرضہ سکیم متعارف کرائی ہے، اس قرضے کو ملازمین کی تنخواہیں ادا کرنے کے لیے لینا جائز ہے یا نہیں ؟
مذکورہ صورت میں جو قرضہ دیا جارہا ہے، اگر اس میں سودی شقیں شامل ہیں، یعنی کہ مثلاً دس لاکھ کا قرضہ لیں اور اس سے زائد ادا کرنا لازم ہو تو اس قرض کا لینا جائز نہیں۔ ملازمین کی تنخواہوں کی ادائیگی کے لیے کہیں سے بلا سود قرض کی سبیل تلاش کریں۔ حکومت کا عوامی ضروریات و مسائل حل کرنے کے لیے سودی معاملہ اللہ تعالیٰ کی مزید ناراضی کو دعوت دینا ہے، حکومت کو چاہیے کہ بلا سود قرض فراہم کرے، یا شرعی حدود کا لحاظ رکھ کر مضاربہ یا مشارکہ کے طریقے سے عوام کو رقم دینی چاہیے۔ فقط واللہ اعلم
فتوی نمبر : 144108201458
دارالافتاء : جامعہ علوم اسلامیہ علامہ محمد یوسف بنوری ٹاؤن