سوال

موجودہ صورتِ حال میں جب کرونا کی وجہ سے احتیاط کی جا رہی ہے تو کیا عید الاضحی کی قربانی کا ارادہ ترک کردیا جائے تو کیا گناہ گار ہو گا؟

جواب

کورونا کی وجہ سے احتیاطی تدابیرضرور اختیار کریں، لیکن اس میں اس درجہ مبالغہ کرنا کہ شرعی احکامات کو ترک کردیا جائے، شعائر اسلام کی صورت مسخ کردی جائے جائز نہیں،اگر آپ کے لیے اپنے گھر میں قربانی کا اہتمام ممکن نہیں ہے تو کسی جگہ اجتماعی قربانی میں حصہ لے لیں،  لیکن صاحبِ نصاب ہونے کے باوجود قربانی نہ کرنے سے شدید گناہ گا ر ہوں گے، رسول اللہ ﷺنے ایسے شخص پر جووسعت کے باوجود  قربانی نہ کرے شدید غصے کا اظہار فرمایا ہے اور اسے عید گاہ کے قریب آنے سے بھی روک دیا ہے۔ 

حدیث شریف میں ہے :

"عن أبي هريرة  أن رسول الله صلى الله عليه وسلم قال : من كان له سعة ، ولم يضح ، فلايقربن مصلانا". (302/4 ط:مکتبة أبي المعيط) فقط والله أعلم