سوال

کمپنی نے مجھے ایک گاڑی استعمال کرنے کو دی ہے جوکہ کمپنی کی ملکیت ہے،میں آفس اور ذاتی دونوں کے لئے جتنا چاہوں استعمال کر سکتا ہوں،اس کے ساتھ مجھے 150،000 روپے کی حد بھی دی گئی ہے جس کے اندر رہتے ہوئے میں پٹرول ڈلوا سکتا ہوں جو کہ بعد میں کمپنی مجھے ادا کردیتی ہے۔سوال یہ ہے کہ کیا میں اس حد کے اندر رہتے ہوئے کیا میں کمپنی کی گاڑی کے ساتھ ساتھ ذاتی گاڑی میں یا اپنے بھائی کی گاڑی میں بھی پٹرول ڈلواسکتا ہوں کیونکہ میرا ذاتی استعمال تو اس حد کا پچھتر فیصد ہی ہوتا ہے اور میں چاہتا ہوں کہ میں اس پوری حد کو استعمال کرلوں۔

جواب

صورت مسئولہ میں کمپنی نے پٹرول کی جو حد آپ کو استعمال کرنے کے لئے دی ہے وہ صرف آپ کے اپنے استعمال کے لئے ہی ہے چنانچہ آپ اس کو آفس کی گاڑی میں استعمال کریں یا ذاتی گاڑی میں،البتہ اس پٹرول کو آپ اپنے علاوہ کسی اور کو استعمال کے لئے نہیں دے سکتےلہذا آپ کے بھائی کی گاڑی میں وہ پٹرول استعمال کرنا درست نہیں ہے۔