سوال

ہماری کمپنی جوبلی میڈیکل کارڈ فراہم کرتی ہے اور اس کارڈ سے 2 سے 5 لاکھ کا علاج کروانے کی سہولت موجود ہے، کیا اس طرح کا کارڈ ہمارے لیے استعمال کرنا جائز ہے یا نہیں؟

جواب

صورتِ مسئولہ میں اگر  مذکورہ کمپنی طبی سہولیات فراہم کرنے کی غرض سے جوبلی میڈیکل کارڈ تبرعًا اپنی جانب سے تمام ملازمین کو فراہم کرتی ہو، اور اس فراہمی کے عوض میں ملازمین کی تنخواہ سے کسی بھی قسم کی کٹوتی نہ کرتی ہو تو ایسی صورت میں ملازمین کے لیے مذکورہ کارڈ استعمال کرنے کی اجازت ہوگی، البتہ اگر ملازمین کی تنخواہوں سے ماہانہ کٹوتی کی جاتی  ہو تو جبری  کٹوتی کی صورت میں بھی استعمال کی اجازت ہوگی، تاہم اختیاری کٹوتی کی صورت میں ملازم کے لیے کٹوتی کی رقم سے زائد رقم استعمال کرنے کی شرعًا اجازت نہ ہوگی۔ فقط واللہ اعلم