سوال

میں K Electric میں کام کرتا ہوں۔ ہماری کار پالیسیی کے بارے میں پوچھنا چاہتا ہوں، اس میں ہماری تنخواہ میں سے ہر مہینے ایک رقم کٹتی ہے۔ نان پیمنٹ کا کوئی چانس نہیں۔ براہِ کرم اس بارے میں رہنمائی فرمائیں!

جواب

عمومًا کمپنیاں گاڑیاں بینک سے لے کر اپنے ملازمین کو دیتی ہیں۔ اگر پالیسی یہ ہے کہ  ادارہ آپ کو گاڑی دے گا اور کٹوتی  آپ کی تنخواہ سے ہوتی رہے گی، اور گاڑی کے لیے بینک سے معاہدہ  ادارہ خود کرے  آپ کو اس میں شریک نہ ہونا پڑے، اس صورت میں بینک  سے ناجائز معاہدے کا گناہ  ادارے پر ہی ہوگا۔ اور آپ کے لیے گاڑی لینا جائز ہوگا۔

لیکن اگر بینک سے معاہدہ ملازم کرتا ہے تو   اس صورت میں گاڑی لینا جائز نہیں ہوگا۔

فقط والله أعلم