سوال

سگریٹ پینے کا حکم کیا ہے؟اور اس کا کاروبار کرنا کیسا ہے؟

جواب

سگریٹ  نوشی فی نفسہ مباح ہے،  تاہم اس سے منہ میں بد بو ہوجانے کے سبب مکروہ تنزیہی ہے۔

سگریٹ کی خریدو فروخت جائز ہے، تاہم اس سے بہتر کوئی اور حلال کاروبار میسر ہو تو وہ اختیار کرنا چاہیے۔

فتاوی رشیدیہ میں ہے:

’’سوال: حقہ پینا، تمباکو کا کھانا یا سونگھنا کیسا ہے؟ حرام ہے یا مکروہ تحریمہ یا مکروہ تنزیہہ ہے؟ اور تمباکو فروش اور نیچے بند کے گھر کا کھانا کیسا ہے؟

جواب: حقہ پینا، تمباکو کھانا مکروہِ تنزیہی ہے اگر بو آوے، ورنہ کچھ حرج نہیں اور تمباکو فروش کا مال حلال ہے، ضیافت بھی اس کے گھر کھانا درست ہے‘‘۔

( کتاب جواز اور حرمت کے مسائل، ص: 552، ط: ادراہ صدائے دیوبند) 

تفصیل کے لئے دیکھئے:

نسوار، پان، بیڑی، سیگریٹ اور گٹکا کھانا

 فقط واللہ اعلم