سوال

اگر شوہر بار بار طلاق کے الفاظ  کی فہرست بیان کرے، تو کیا طلاق واقع ہوگی ؟ دراصل نکاح کے بعد ہمارے خاندان کا جھگڑا ہوا جس میں میرے گھر والوں نے رخصتی نہ کرنے کا فیصلہ کیا تھا بعد میں رخصتی ہوئی اب میرے شوہر اس بات کا ذکر کرتے رہتے ہیں کہ تمھارے گھر والے مجھ سے طلاق مانگتے تھے، پھر کہتے ہیں کہ تمھارے کزن مجھ سے طلاق دلوا کے خود شادی کرنا چاہتے تھے،پھر ایک دن کہا کہ تم تنگ ہو تو آزاد کرلوں، پھر کہا کہ تمھارا بھائی کہتا تھا اسے مار کے طلاق لو، پھر کہا کہ تمھارے کزن نے مجھے بتایا کہ تم طلاق مانگتی ہو۔

ان باتوں سے طلاق واقع تو نہیں ہو گی؟ میری رہنما ئی کر دیں، اللہ آپ کو بہترین جزا دے۔

جواب

واضح رہے کہ طلاق کاوقوع تب ہوتاہے جب شوہر طلاق کے صریح یاکنایہ الفاظ استعمال کر  کے   طلاق  کو واقع کرے  ،مذکورہ الفاظ میں یا  توعورت کے خاندان والے عورت  کو طلاق دلوانا چاہتے ہیں ،یا  مرد پوچھ رہاہے کہ تمہیں آزادکردوں ؟ لیکن طلاق نہیں دی ہے ۔

لہذایہ سب  حکایت کے قبیل میں سے ہیں،ان میں سے کسی لفظ سے کوئی طلاق واقع نہیں ہوئی۔