سوال

میں ایک نجی ادارے میں 25 سال سے الیکٹریکل ڈپارٹمنٹ کا انچارج ہوں، اب میں لیزر کاٹنے والی مشینوں کی الیکٹریکل مرمت کی خدمات پر اپنا کام شروع کرنا چاہتا ہوں، میرا ایک عزیز ہے جس کے پاس الیکٹریکل میں 3 سالہ ڈپلومہ ہے، اور تقریبا 7 سال کا تجربہ ہے،ابتدائی طور پر کسی مناسب جگہ پر دکان کرایہ پر لے کر ورکشاپ  بنانے کا ارادہ ہے، میں دکان کے سیٹ اپ ، ضروری اوزار وغیرہ کے اخراجات برداشت کروں گا، جب کام شروع ہوگا، تو شروع میں میں بھی  ساتھ رہوں گا، مگر جب کام چل پڑے  گا ،اور میرا عزیز بھی کام کو سمجھ جائے گا، تو آہستہ آہستہ میں خود کو پیچھےکر لوں گا، میرا عزیزہی سارے کام کو دیکھاکرے گا،جب بھی کوئی ایسا کام پھنس جائے  جو میرےعزیز کو سمجھ  نہ آئے، تب  میں اس کی کیا مدد کروں گا؟ اس سلسلے میں آپ سے  رہنمائی درکار ہے کہ مضاربت کی اس صورت کی کیاشرعی حدود ہیں؟اس میں کمائی کا لین دین ہم کس سے متعین کرے ؟ اس معاملے کو اگر کبھی فسخ کرناہو تو اس کی کیا حدود وقیودہوں گی؟

جواب

صورتِ مسئولہ میں جب سائل دکان کرائے پرلے کرورکشاپ بنائے گا،دکان کاسیٹ اپ،ضروری اوزار وغیرہ کے اخراجات برداشت کرے اورشروع میں خود بھی کام کرے،تویہ معاملہ شرعی طورپر مضاربت نہیں بن سکتا،بلکہ اجارہ (مزدوری پرطے کرنا)ہے، لہذاسائل پرلازم ہے کہ وہ اپنے عزیز کے لیے ماہانہ ایک متعین رقم تنخواہ طے کرے،اگر سائل اپنے عزیز کواس معاملہ سے دست بردار کرناچاہے تومہینہ مکمل ہونے سے پہلے مطلع کردے۔

الدرالمختارمیں ہے:

"وشرطها: كون الاجرة والمنفعة معلومتين لان جهالتهما تفضي إلى المنازعة........تفسد الاجارة بالشروط المخالفة لمقتضى العقد .....كجهالة مأجور أو أجرة أو مدة أو عمل."

(کتاب الإجارۃ، باب الإجارۃ الفاسدۃ، ص:569/ 579، ط:دارالکتب العلمیة)

بدائع الصنائع  ميں ہے: