سوال

چندہ کی رقم سے مدرسہ کی زمین خریدی اب مدرسہ کی زمین کا بیع نامہ کرانا ہے ، تو کس شخص کے نام کرائیں گے اپنے نام سے یا عوام کے نام سے؟

جواب

صورت مسئولہ میں اگر مذکورہ زمین کی رجسٹری کی ضرورت ہے ،تو مدرسہ يا مدرسہ كے ٹرسٹ کے نام پر رجسٹری کردی جائے ،اور اگر مدرسہ کے نام پر ممکن نہ ہو تو متولی مدرسہ کے نام پر کروادی جائے اور وہ مدرسہ کے لیے وقف نامہ رجسٹر کرادے۔

الدر مع الرد میں ہے:

"(‌جعل) ‌الواقف (‌الولاية ‌لنفسه جاز) بالإجماع."

(مطلب في الوقف اذا خرب ولم يكن عمارته،ج:4،ص:379،ط:سعید)

الفتاویٰ العالمگیریہ میں ہے:

"رجل ‌بنى ‌مسجدا وجعله لله تعالى فهو أحق الناس بمرمته وعمارته وبسط البواري والحصر والقناديل، والأذان والإقامة والإمامة إن كان أهلا لذلك فإن لم يكن فالرأي في ذلك إليه. كذا في فتاوى قاضي خان."

(كتاب الصلاة، الباب الثامن في الوتر، ج:1، ص:110، ط: دار الفكر)

فقط واللہ اعلم