سوال

 کیا میسج یا کال پر ہنسی مزاق میں ایجاب و قبول کرنے سے نکاح منعقد ہوجاتا ہے؟ جب  کہ بندہ کو الفاظ بھی یاد نہیں ہے اور بات بھی پرانی ہوگئی ہے ابھی ایک ساتھی نے اس مسئلہ کی حساسیت کا بتایا تو خیال ہوا کہ ایک باقاعدہ فتویٰ لے لیا جائے۔ براہ کرم رہنمائی فرمائیں۔

جواب

نکاح کے صحیح ہونے کی بنیادی شرائط میں سے دو مسلمان مرد یا ایک مرد اور دو عورت گواہوں کا ایجاب و قبول کو سننا اور ایجاب و قبول کی مجلس ایک ہونا  ہے؛ لہٰذا  کال پر یا میسج پر  مذکورہ گفتگو  (ایجاب وقبول)کرنے سے نکاح منعقد نہیں ہوتا ، کیوں کہ مجلس ایک نہیں ہے۔

الدر المختار وحاشية ابن عابدين (رد المحتار):

"ومن شرائط الإيجاب والقبول: اتحاد المجلس لو حاضرين، وإن طال كمخيرةَ."

(ج:3، ص:14، ط: سعيد)

الدر المختار وحاشية ابن عابدين (رد المحتار):

"(و) شرط (حضور) شاهدين (حرين) أو حر وحرتين (مكلفين سامعين قولهما معًا)."

(ج:3، ص:21، ط: سعيد)

فقط واللہ اعلم