سوال

صدقہ کا بہترین طریقہ کیاہے؟ آیا نقد رقم دینے کا ثواب زیادہ ہے یا  کوئی جانور اللہ کی راہ میں ذبح کر کے گوشت تقسیم کرنے کا؟

جواب

صدقہ کے لیے شریعت نے کوئی خاص صورت مقرر نہیں کی، جس صورت میں فقراء کا زیادہ فائدہ ہو،  اسے اختیار کرلیا جائے۔ اور یہ ضرورت مندوں کے احوال کے اعتبار سے اسی طرح اوقات کے اعتبار سے بھی مختلف ہوسکتاہے۔ 

عام حالات میں نقد رقم ہی بہتر ہے؛   تاہم اگر کسی جگہ کھانے کی ضرورت ہو اور وہاں جانورذبح کرکے کھلادیا جائے، تب بھی درست ہے۔ فقط واللہ اعلم