میں کراچی ٹیسٹ دینے کے لیے آیا تھا تقریباً 400 کلومیٹر کا سفر کر کے 3 دن کے لیے، آپ مجھے یہ بتائیے کہ کیا میں قصر نماز پڑھوں گا یا پوری نماز؟
صورتِ مسئولہ میں آپ کسی اور شہر سے کراچی میں ٹیسٹ دینے کے لیے چار سو کلومیٹر کی مسافت طے کرکے تین دن کے لیے آئے تھے تو آپ مسافر تھے، اس لیے تنہا نماز پڑھتے ہوئے آپ پر ظہر، عصر اور عشاء کی فرض نماز میں قصر نماز پڑھنا لازم تھی۔ البتہ مقیم امام کی اقتدا میں پوری نماز پڑھنی ہوگی۔ فقط واللہ اعلم
فتوی نمبر : 144206200045
دارالافتاء : جامعہ علوم اسلامیہ علامہ محمد یوسف بنوری ٹاؤن