سوال

مجھے اپنی بیوی کی شکل تک دیکھنا پسند نہیں، کیا میرے لیے جائز ہے کہ میں کسی اور کمرے میں رہوں؟

جواب

صورتِ مسئولہ میں میاں بیوی کے درمیان پیدا ہونے والی نا چاقی و نا اتفاقی کو مل بیٹھ کر ختم کرنا چاہیے، اگر میاں بیوی خود اختلاف ختم نہ کر پا رہے ہوں، تو ایسی صورت میں دونوں خاندانوں کے بڑوں کی ذمہ داری ہے کہ پیدا شدہ اختلافات مٹانے میں اپنا کردار ادا کریں۔

اللہ رب العزت نے قرآنِ مجید میں شوہروں کو بیوی کے ساتھ حسنِ سلوک و حسنِ معاشرت کا حکم دیا ہے، پس سائل کو چاہیے کہ ہر ممکن کوشش کرکے نفرت ختم کرے، نفرت ختم کرنے کی تدابیر میں سے ایک تدبیر یہ ہے کہ اسے تحفہ دے، اور یوں سوچے کہ اگر بیوی میں کوئی ایک برائی ہے تو بہت سی اچھائیاں بھی ہوں گی، بہرحال بیوی سے یوں منہ موڑ لینا شرعًا درست نہیں۔ آپس کی رضامندی اور اتفاق سے شوہر کا دوسرے کمرے میں سونا ممنوع نہیں ہے، لیکن بیوی سے نفرت رکھنا اور اس بنیاد پر دوسرے کمرے میں رہنا جائز نہیں ہے۔ فقط واللہ اعلم