سوال

بچے کی عمر 20 سال ہونے کے بعد عقیقہ کرنا کیسا عمل ہے؟

جواب

عقیقہ کا مستحب وقت یہ ہے کہ پیدائش کے ساتویں دن عقیقہ کرے، اگر ساتویں دن عقیقہ نہ کرسکے تو چودہویں (14)  دن، ورنہ اکیسویں (۲۱) دن کرے،  اس کے بعد عقیقہ کرنا مباح ہے، اگر کرلے تو ادا ہوجاتا ہے،  تاہم جب بھی عقیقہ کرے بہتر یہ ہے کہ پیدائش کے دن  کے حساب سے ساتویں دن کرے، لہذااگر بچپن میں عقیقہ نہ ہوا تو بڑی عمر میں بھی عقیقہ کرنے سے عقیقہ ادا ہوجائے گا، اگرچہ مستحب وقت کی فضیلت حاصل نہیں ہوگی۔ 

مصنف ابن أبي شیبة  میں ہے :

"عن محمد [ابن سیرین] قال : ’’ لو أعلم أنه لم یعقّ عني لعققتُ عن نفسي ‘‘.

 (12/319 ، حدیث :24718، کتاب العقیقة، ط : المجلس العلمي أفریقا)

إعلاء السنن میں ہے :

"عن الحسن البصري : ’’ إذا لم یعق عنك فعقّ عن نفسك، وإن کنت رجلاً ‘‘.

(17/134، باب أفضلیة ذبح الشاة في العقیقة، تحت حدیث :5514، بیروت)

فقط واللہ اعلم