سوال

بیوی شوہر  کے لیے محرم ہے  یا غیر محرم؟  اگر محرم ہے  تو پھر  ان کا نکاح کیسے درست ہوا؟  اور اگر غیر محرم ہے  تو پھر  ان کا ساتھ رهنا کیسے درست ہوا؟

جواب

بیوی شوہر  کے لیے غیر محرم ہوتی ہے، اسی وجہ سے دونوں کا آپس میں نکاح کرنا حلال ہوتا ہے؛ کیوں کہ محرم    اُسی شخص کو کہتے ہیں جس سے عورت کا نکاح حرام ہو۔ پھر میاں بیوی  کا ساتھ  رہنا  عقدِ  نکاح کی وجہ  سے  جائز ہوتا ہے، اور عقدِ نکاح ہے ہی اسی لیے کہ جو مرد و عورت اس عقد سے پہلے ایک دوسرے کے لیے حرام ہوتے ہیں عقدِ نکاح کی وجہ سے ایک دوسرے کے لیے حلال ہوجاتے ہیں۔  فقط واللہ اعلم