سوال

بیوی کے اپنے خاوند سے کئی کئی ہفتے ہمبستری نہ کرنے سے مرد کے کاروبار میں کوئی فرق پڑتا ہے؟ اسلام اس کے بار کیا کہتا ہے۔

جواب

بیوی کا اپنے شوہر سے زیادہ عرصہ تک  ہم بستری نہ کرنے سے شوہر کے کاروبار پر کوئی فرق نہیں پڑتا، البتہ اگر شوہر کے بلانے کے باوجود  بغیر کسی شرعی عذر کے بیوی ازدواجی تعلق قائم نہیں کرتی تو اسلام کی نظر میں بیوی سخت گناہ گار ہے۔

صحیح بخاری میں حضرت ابو ہریرہ رضی اللہ عنہ کی روایت سے رسول اللہ صلی اللہ علیہ وسلم کا یہ ارشاد منقول ہے کہ کہ جب شوہر اپنی بیوی کو اپنے بستر پر بلائے اور وہ آنے سے  (ناراضگی کی وجہ سے)  انکار کر دے تو فرشتے صبح تک اس پر لعنت بھیجتے ہیں۔

صحیح بخاری میں ہے:

"عن ‌أبي هريرة رضي الله عنه، عن النبي صلى الله عليه وسلم قال: «إذا دعا الرجل امرأته إلى فراشه فأبت أن تجيء، لعنتها الملائكة حتى تصبح.»"

(‌‌‌‌كتاب النكاح، باب: إذا باتت المرأة مهاجرة فراش زوجها، 7/ 30 ط: المطبعة الكبرى الأميرية)

فقط والله أعلم