سوال

اگر بیوی دوسری عورت بن کر شوہرکو آزمانے کے لیے دوسرے نمبر سے واٹس ایپ کے ذریعے میسج کرتی ہے اور شوہر سمجھ جاتا ہے تو اس میں بیوی کے لیے کیا حکم ہے؟

جواب

واضح رہے کہ شریعت ہمیں حسنِ ظن کی تعلیم دیتی ہے اور خاص کر میاں بیوی کا جو رشتہ ہے، اس میں اگر شک و شبہ اور بد ظنی رکھی جائے، تو آپس میں نباہ انتہائی مشکل ہے، اور سوال میں ذکر کردہ مذکورہ حرکت، آپس کی خلش ، لڑائی جھگڑے کا باعث بن سکتی ہے، اور پھر یہی لڑائی جھگڑا وغیرہ آگے جاکر طلاق کے واقع ہونے کا سبب بن سکتا ہے؛ لہذا  عورت کو چاہیے کہ مذکورہ قسم کی حرکات سے اجتناب کرے اور شوہر کو چاہیے کہ بیوی کی اس غلطی سے درگزر سے کام لے۔فقط واللہ اعلم