سوال

 میں ملک سے باہر رہتا ہوں اور یہاں جو کماتا ہوں وہ اپنے والد محترم کو بھیجتا ہوں لیکن میری بیگم اس بات سے راضی نہیں ہے ان کا مطالبہ ہے کہ میں اپنی بیگم کو الگ سے پیسے بھیجوں اور اگر میں الگ سے پیسے بھیجتا ہوں تو گھر میں  مسائل ہوتے ہیں تو کیا میں گھر والوں سے چھپا کر اپنی بیوی کو پیسے بھیج سکتا ہوں؟

جواب

 شوہر پر اپنی بیوی کا نان ونفقہ کا لازم ہے،لہذا صورت مسئولہ میں اگر سائل اپنی بیوی کو واجب  نان ونفقہ کے علاوہ اپنی مرضی سے علیحدہ سے رقم بھیجنا چاہے (تاکہ وہ اس رقم کو اپنی مرضی سے خرچ کرسکے)تو وہ بھیج سکتا ہے۔ 

فتاوی ہندیہ میں ہے:

"تجب على الرجل نفقة امرأته المسلمة والذمية والفقيرة والغنية دخل بها أو لم يدخل كبيرة كانت المرأة أو صغيرة يجامع مثلها كذا في فتاوى قاضي خان."

(الباب السابع عشر فی النفقات،ج۱،ص۵۴۴،ط؛دار الفکر)

فقط واللہ اعلم