اگر کسی شخص نے اپنی بیوی کو طلاق کا اختیار دے دیا تو زوج کے طلاق دینے سے طلاق واقع ہوگی یا نہیں؟
بصورتِ مسئولہ اگر شوہر نے بیوی کو طلاق کا اختیار دیا، اور اس کے بعد شوہر نے خود طلاق دے دی تو شوہر کی دی ہوئی طلاق بھی واقع ہوجائے گی،لیکن شوہر نے کس قسم کی طلاق کا اختیار دیا تھا ؟ اس کے لیے کیا الفاظ استعمال کیے تھے؟ آیا کسی شرط کے ساتھ اختیار دیا یا بغیر شرط کے؟ اور خود کن الفاظ سے طلاق دی یہ سب باتیں متعلقہ مسئلہ کے حکم میں بڑی اہمیت کی حامل ہیں، ان سے مسئلہ کے حکم میں تبدیلی بھی آتی ہے، لہذا آپ ان باتوں کی وضاحت کرکے دوبارہ مسئلہ کا حکم معلوم کرلیجیے۔فقط واللہ اعلم
فتوی نمبر : 144207200669
دارالافتاء : جامعہ علوم اسلامیہ علامہ محمد یوسف بنوری ٹاؤن