میں نے اپنے شوہر سے کہا کہ کیا میں آپ کی بیوی نہیں ہوں؟ تو انہوں نے کہا کہ نہیں ہو۔ وہ مجھ سے بات نہیں کر رہے تو کیا اس طرح ناراض ہوتے ہوئے کہنے سے طلاق واقع تو نہیں ہوتی؟
صورت مسئولہ میں اگر ان الفاظ سے آپ کے شوہر کی نیت طلاق کی تھی تو آپ پر ایک طلاقِ بائن واقع ہوگئی ہے اور اگر اس کی نیت طلاق کی نہیں تھی تو آپ پر کوئی طلاق واقع نہیں ہوئی۔
الفتاوى الهندية (1 / 375):
ولو قال لامرأته لست لي بامرأة أو قال لها ما أنا بزوجك أو سئل فقيل له هل لك امرأة فقال لا فإن قال أردت به الكذب يصدق في الرضا والغضب جميعا ولا يقع الطلاق وإن قال نويت الطلاق يقع في قول أبي حنيفة - رحمه الله تعالى - فقط واللہ اعلم
فتوی نمبر : 144112200052
دارالافتاء : جامعہ علوم اسلامیہ علامہ محمد یوسف بنوری ٹاؤن
