سوال

اگر بیوی کی بھتیجی سے ناجائز تعلق ہو جائے، تو اس پر شریعت کا کیا حکم ہے؟

جواب

صورتِ مسئولہ میں اپنی بیوی کی بھتیجی کے ساتھ بھی ناجائز  تعلق قائم کرنا  حرام اور ناجائز ہے، اس پر دونوں کو سچے دل سے توبہ کرنا لازم ہے،  اور دونوں پر پردہ کی پابندی کرنا بھی ضروری ہے، تاہم بیوی کی بھتیجی سے ناجائز تعلق قائم کرنےکی وجہ  سے آپ  کی بیوی آپ پر حرام نہ ہوگی، البتہ بیوی کی بھتیجی کو ایک حیض آنے تک اپنی بیوی سے صحبت کرنا جائز نہیں ہوگا، اور اگر بیوی کی بھتیجی حاملہ ہوتو اس صورت میں ولادت تک اپنی بیوی سے تعلق قائم کرنا جائز نہیں ہوگا۔

النتف فی الفتاویٰ للسغدی میں ہے:

"والخامس عشر اذا وطأ ذات محرم من امرأته ممن لا يحرم عليه بزنا فانه لا يطأ امرأته حتى يستبرئ الموطوءة بحيضة لانه لا يحل له رحمان محرمان فيهما ماؤه."

(کتاب النکاح، الموانع التي في الملك، ج:1، ص:294، ط:دار الفرقان)

 فقط واللہ اعلم