سوال

میرا نام "برجس قدر" ہے اور میں اسے تبدیل کرکے "انس سلیم" رکھنا چاہتا ہوں، اس نام کے بارے میں میں پہلے آپ کے دارالافتاء  سے فتویٰ (جس کا نمبر 144408101342 ہے) لے چکا ہوں ، مگر اُس میں لکھا تھا کہ  "برجس قدر" کا  صحیح تلفظ "برجیس قدر" ہےاور اس کے معنیٰ درست ہیں، لیکن  بات دراصل یہ ہے کہ میرا نام "برجیس قدر" نہیں، بلکہ "برجس قدر" ہے اور میں اسی تلفظ کے ساتھ اس نام کا معنیٰ شریعت کی روشنی میں جاننا چاہتا ہوں؛ کیوں کہ نام تبدیل کرنے کے لیے کورٹ کے جج کہہ رہے ہیں کہ آپ اپنے اسی  نام کے بارے میں فتویٰ لے کر آئیں، ورنہ  بصورتِ دیگر آپ کو نام تبدیل کرنے کی اجازت نہیں ہوگی۔ لہٰذا براہ کرم میری راہ نمائی فرمائیں۔

جواب

"بر جس قدر" ایک مہمل لفظ ہے، اردو،عربی، اور فارسی زبانوں  میں اس لفظ کا کوئی معنیٰ نہیں مل سکا، لہٰذا صورتِ مسئولہ میں سائل کا نام  اگر "برجس قدر" ہے، تو اُسے چاہیے کہ وہ یہ نام تبدیل کرکے کوئی اسلامی نام رکھ لے۔ نیز اگر سائل اپنا مذکورہ نام تبدیل کرکے "انس سلیم" رکھنا چاہتا ہے تو یہ بھی درست ہے۔فقط واللہ اعلم