میرے کمرے کے دروازے کے سامنے بلی کے بچے پڑے تھے، میں کمرے سے باہر نکل رہا تھا کہ غلطی سے بلی کے بچے پر پاؤں آگیا جس کے باعث وہ بلی کی بچے مرگئے، تو کیا اس سے گناہ ملے گا؟نیز اس کا کیا کفارہ ہے؟
صورتِ مسؤلہ میں اگر بلی کے بچےپر غلطی سے پاؤں پڑگیا قصدا پاؤں نہیں رکھا تو سائل پر اس کا کوئی گناہ نہیں، نیز اس صورت میں کوئی کفارہ بھی نہیں آئے گا۔
مشکاۃ شریف میں ہے:
"وعن ابن عباس أن رسول الله صلى الله عليه وسلم قال: إن الله تجاوز عن أمتي الخطأ والنسيان وما استكرهوا عليه. رواه ابن ماجه والبيهقي."
(كتاب المناقب، باب ثواب هذه الأمة، الفصل الثالث، 507/2، ط: البشرى)
فقط والله أعلم
فتوی نمبر : 144410101097
دارالافتاء : جامعہ علوم اسلامیہ علامہ محمد یوسف بنوری ٹاؤن