فرض نماز کے لیے بلا وجہ مسجد میں جماعت کی نماز چھوڑ کر گھر میں جماعت کروانا کیسا ہے؟
جماعت سے نماز ادا کرنا مردوں کے لیے سنتِ مؤکدہ، بلکہ حکم کے اعتبار سے واجب کے قریب ہے، بلاعذر مسجد کی جماعت ترک کرنا گناہ ہے، رسول اللہ ﷺ نے بغیر عذر جماعت ترک کرنے والوں کے لیے وعیدیں بیان فرمائی ہیں، ایسے لوگوں کے گھروں کو جلانے کا ارادہ ظاہر فرمایا، لہٰذا بلاوجہ مسجد میں فرض نماز کی جماعت چھوڑ کر گھر میں جماعت کروانا درست نہیں، تاہم اگر کوئی معتبر عذر (مثلاً: مرض، تیز بارش وغیرہ) ہو تو اس کی اجازت ہے۔ فقط و اللہ اعلم
فتوی نمبر : 144108200463
دارالافتاء : جامعہ علوم اسلامیہ علامہ محمد یوسف بنوری ٹاؤن