سوال

یہ حدیث آج کل موبائل میسج پہ موصول ہورہی ہے، کیا یہ درست ہے ؟" جناب نبی کریم صلی اللہ علیہ وسلم کے دانت مبارک سےخون کےقطرے زمین پرگرنےلگےتواللہ تعالیٰ کو گوارا نہ ہواکہ اس کے حبیب کاخون زمین پرگرے تواللہ تعالیٰ نے احد کے میدان میں فوراً ایک گلاب کا پودا اگادیا، خون زمین کے بجائےگلاب پرگرا جس سے گلاب میں آپ صلی اللہ علیہ وسلم کے خون کی خوشبوآگئی"۔

جواب

اس مضمون کی کوئی صحیح یا ضعیف حدیث ذخیرہ احادیث میں ہمیں نہیں ملی ۔ حضور صلی اللہ علیہ وسلم کی طرف کسی قول یا فعل کی نسبت کرتے ہوئے جب تک یقین نہ ہو احتیاط لازم ہے ورنہ مسلمان جہنم کا ایندھن بن سکتاہے۔ فقط واللہ اعلم