سوال

بوسٹن انجیکشن بھینسوں کو لگایا جاتا ہے، شاید اس کے مضر اثرات کی وجہ سے حکومت نے اس پر پاکستان میں پابندی لگائی ہوئی  ہے، لیکن پھر بھی لوگ چوری چھپے اس کو دودھ کو بڑھانے کے لیے لگاتے ہیں. معلوم یہ کرناہے کہ وہ انجیکشن جس کے مضر اثرات کی بنا پر حکومت کی جانب سے پابندی ہو، اس کا بھینسوں کو لگانا شرعاً کیا حکم رکھتا ہے؟  اور اس کی تجارت کا شرعاً  کیا حکم ہوگا جو کہ غیر قانونی بھی ہے؟

جواب

حکومت نے مذکورہ انجیکشن پر سخت مضر صحت ہونے کی وجہ سے پابندی لگائی ہوئی ہے، لہذا مضر صحت ہونے اور ملکی قوانین میں ممنوع ہونے کی وجہ سے بھینسوں کو یہ انجیکشن لگانے اور اس کے کاروبار  سے احتراز کرنا واجب ہے اور خلاف ورزی کرنا گناہ ہے ۔فقط واللہ اعلم