سوال

بھینسوں کو لگائے جانے والا انجیکشن (بوسٹن) کا کاروبار جائز ہے یا نہیں؟

جواب

حکومت نےبوسٹن انجیکشن پر سخت مضر صحت ہونے کی وجہ سے پابندی لگائی ہوئی ہے، لہذا مضر صحت ہونے اور ملکی قوانین میں ممنوع ہونے کی وجہ سے بھینسوں کو یہ انجیکشن لگانے اور اس کے کاروبار  سے احتراز کرنا چاہیے نیز قانون شکنی کی صورت میں  مال اور عزت کا خطرہ رہتا ہے، اور پکڑے جانے کی صورت میں مالی نقصان کے ساتھ ساتھ سزا  ملنے کا بھی اندیشہ ہوتا ہے،  اور اپنے آپ کو ذلت  کے مواقع سے بچانا شرعاً ضروری ہے۔

فتاوی شامی میں ہے:

"وفي ط عن الحموي أن صاحب البحر ذكر ناقلا عن أئمتنا أن طاعة الإمام في غير معصية واجبة فلو أمر بصوم وجب اهـ وقدمنا أن السلطان لو حكم بين الخصمين ينفذ في الأصح وبه يفتى."

(کتاب القضاء،مطلب طاعة الإمام واجبة،ج۵،ص۴۲۲،ط؛سعید)

وفیہ ایضاً:

"لأن طاعة أمر السلطان بمباح واجبة."

(باب المرابحہ والتولیۃ،ج۵،ص۱۶۷،ط؛سعید)

فقط واللہ اعلم