سوال

بھنگ سے بنا ہوا ایک مادہ سی بی ڈی ہے، کیا سی بی ڈی وٹامن میں استعمال کرنا جائز ہے؟ کیا وٹامن دوا میں شمار ہوتا ہے؟ جس ماحول میں نشہ آور چیزوں کا استعمال عام ہے وہاں سی بی ڈی سے بنا ہوا وٹامن کی اجازت دینا کیسا ہے؟

جواب

صورتِ مسئولہ میں بھنگ سے کشید کردہ مادہ  ’’سی بی ڈی‘‘(BDــC) اگر نشہ آور ہو تو عام حالات میں  وٹامن یا کسی بھی دوا میں اس کا  استعمال کرنا جائز نہیں ہے، البتہ اگر مرض اتنا شدید ہو کہ جان جانے یا عضو کے تلف ہونے کا اندیشہ ہو اور مسلمان ماہر طبیب کی تجویز کے مطابق ایسی دوا کے استعمال کے علاوہ علاج کی کوئی دوسری صورت نہ ہو  تو پھر ایسی دوا کے استعمال کرنے کی گنجائش ہوگی۔

الدر المختار وحاشية ابن عابدين (رد المحتار) (4 / 42):

"وبه علم أن المراد الأشربة المائعة، وأن البنج ونحوه من الجامدات إنما يحرم إذا أراد به السكر وهو الكثير منه، دون القليل المراد به التداوي ونحوه كالتطيب بالعنبر وجوزة الطيب، ونظير ذلك ما كان سميًا قتالًا كالمحمودة وهي السقمونيا ونحوها من الأدوية السمية فإن استعمال القليل منها جائز، بخلاف القدر المضر فإنه يحرم".

فقط والله أعلم