سگے بھائی کا مال یا کوئی برتن یا کھانے کی کوئی چیز اس کے گھر سے اس کی اجازت کے بغیر لینے کا کیا حکم ہے؟
بھائی کی کوئی چیز بھی اس کی اجازت اور رضامندی کے بغیر استعمال کرنا شرعاً جائز نہیں ہے۔
ارشاد نبوی ہے:
"قال رسول الله صلى الله عليه وسلم: ’’ألا لاتظلموا ألا لا يحل مال امرئ إلا بطيب نفس منه ‘‘. رواه البيهقي في شعب الإيمان والدارقطني في المجتبى."
ترجمہ:’’خبردار کسی پر ظلم و زیادتی نہ کرو، خبردار کسی آدمی کی ملکیت کی کوئی چیز اس کی دلی رضامندی کے بغیر لینا حلال اور جائز نہیں ہے ۔‘‘
(مشکوٰۃ المصابیح، باب الغصب والعاریة، الفصل الثانی، حدیث:2946، ج:2، ص:889، ط:المكتب الإسلامي - بيروت)
فقط واللہ اعلم
فتوی نمبر : 144404101134
دارالافتاء : جامعہ علوم اسلامیہ علامہ محمد یوسف بنوری ٹاؤن