سوال

ایک صاحب کا انتقال ہوا ، انہوں نے اپنے ترکہ میں ایک مکان چھوڑا ہے، اس کے والدین میں سے کوئی بھی حیات نہیں ہے،ایک بیوہ ، پانچ بیٹے اور چار بیٹیاں تھیں،  ان میں سے دو بیٹے اور ایک بیٹی مرحوم کی زندگی میں وفات پا چکے تھے، اب تین بیٹے اور تین بیٹیاں موجود ہیں،مکان جو ترکہ میں چھوڑا ہے، اس کی قیمت دو کروڑ پینتالیس لاکھ روپے ہے، اس میں سے ہر ایک کو کتنی رقم حصے میں ملے گی، مرحوم کے ایک مرحوم بیٹے کی اولاد بھی ہے، جب کہ مرحومہ بیٹی کی کوئی اولاد نہیں ۔

جواب

صورتِ مسئولہ میں مرحوم والد کے حقوقِ متقدمہ یعنی کفن، دفن کا خرچہ( اگر کسی نے بطورِ قرض کیا ہو تو وہ ) نکالنے کے بعد،اگر مرحوم کے ذمے کوئی قرض ہو تو وہ ادا کرنے کے بعد، اگر مرحوم نے کوئی جائز وصیت کی ہو تو بقیہ ایک تہائی ترکہ میں اسے نافذ کرنے کے بعد ، باقی کل ترکہ منقولہ و غیر منقولہ کو 72 حصوں میں تقسیم کر کے9  حصے مرحوم کی بیوہ کو،14،14 حصے مرحوم کے ہر ایک بیٹے کو اور7،7  حصے ہر ایک بیٹی کو ملیں گے۔

جن بیٹی، بیٹوں کا انتقال مرحوم والد کی زندگی میں ہو گیا تھا، ان کا یا ان کی اولاد کا مرحوم کی میراث میں  شرعاً حصہ نہیں ہے،البتہ اگر دیگر ورثاء  اپنے مرحوم بھائی کی اولاد کو اپنے حصوں میں سے کچھ دینا چاہیں تو دے سکتے ہیں، یہ ان کے لیے باعثِ ثواب ہو گا۔
صورتِ تقسیم یہ ہے:

میت : 8 / 72

یعنی 24500000 روپے میں سے 3062500 روپے بیوہ کو،4763888.88 روپے ہر ایک بیٹے کو اور 2381944.44 روپے ہر ایک بیٹی کو ملیں گے۔

فقط واللہ اعلم