سوال

میں اپنی بچی کا نام اسوۂ نور (Uswa e Noor) رکھنا چاہتا ہوں،   راہ نمائی فرمائیں ۔

جواب

“ اسوۂ نور“ دو لفظوں سے مرکب ہے،”اسوۂ “ کے معنی  مثال اور  نمونہ کے ہیں ، جب کہ لفظ”نور“ کے معنی روشنی، تجلی اور چمک کے آتے ہیں۔

“ اسوۂ نور“  کا معنی :  روشن مثال اور نمونہ ہے ،   معنی كے لحاظ سے تو اس نام كے رکھنے کی گنجائش ہے ، تاہم بہتر یہ ہے کہ زاواج مطہرات ، صحابیات رضی اللہ عنہن اور امت کی برگزيده خواتين  کے اسماء میں سے کسی نام کا انتخاب کرکے اس کے موافق نام رکھنا زیادہ بہتر ہے ۔ 

اس سلسلہ میں ہماری ویب سائٹ پر موجود اسلامی نام کے سیکشن سے بھی رہنمائی حاصل کی جاسکتی ہے ۔  

اسلامی نام

حديث شريف میں ہے:

"حَقُّ الْوَلَدِ عَلَی وَالِدِہٖ اَنْ يُّحْسِنَ اسْمَه."
”باپ پر بچہ کا حق ہے کہ وہ اس کا اچھا نام رکھے“۔

(شعب الإیمان للبیهقی،باب في حقوق الأولاد والأهلين، ج:11، ص:104، ط:مكتبة الرشد)

ايك اور حديث ميں  ہے:

"إِنَّكُمْ ‌تُدْعَوْنَ ‌يَوْمَ ‌الْقِيَامَةِ بِأَسْمَائِكُمْ، وَأَسْمَاءِ آبَائِكُمْ، فَأَحْسِنُوا أَسْمَاءَكُمْ."

” بے شک تم لوگ قیامت کے دن اپنے اور اپنے آباء و اجداد کے ناموں سے پکارے جاؤگے، لہٰذا تم اچھے نام رکھو۔“ 

(سنن أبي داود، كتاب الأدب، ‌‌باب في تغيير الأسماء، ج:4، ص:287، ط:المكتبة العصرية)

تاج العروس میں ہے:

"والإسوة، بالكسر وتضم) : الحال التي يكون الإنسان عليها في اتباع غيره إن حسنا وإن قبيحا وإن سارا أو ضارا؛ قاله الراغب. وهي مثل (القدوة في كونها مصدرا بمعنى {الإئتساء، واسما بمعنى ما} يؤتسى به، وكذلك القدوة. يقال لي في فلان {أسوة أي قدوة."

(باب الواو و الیاء، فصل الهمزة مع الواو والياء، ج:37، ص:75، ط:دار إحياء التراث)

فقط واللہ أعلم