میری بہن میرے ساتھ گھر میں رہتی ہے او ر وہ شادی شدہ ہے، اس کےبچے بھی ہیں، لیکن اس کی مالی حالت بالکل ہی کم زور ہے، کیا میں فطرانے کی رقم سے اس کے یا اس کے بچوں کے لیے عید کے کپڑے یا جوتے وغیر ہ خرید سکتا ہوں ؟
صورتِ مسئولہ میں آپ اپنی بہن اور اس کے بچوں کے لیے صدقہ فطر کی رقم سے عید کے کپڑے یا جوتے خرید سکتے ہیں۔ اس میں دہرا اجر ہے، ایک صدقے کا، دوسرا صلہ رحمی کا۔ تاہم جب آپ کپڑے وغیرہ خرید کر انہیں مالک بناکر دے دیں گے، تب صدقہ فطر ادا ہوگا۔
یہ بھی واضح رہے کہ اگر آپ کی بہن کی ملکیت میں ضرورت و استعمال سے زائد اتنا مال یا سامان موجود ہو جس کی مالیت ساڑھے باون تولہ چاندی کی قیمت تک پہنچ جائے تو انہیں صدقہ فطر دینا درست نہیں ہوگا۔
فتاوی ہندیہ میں ہے :
"ومصرف هذه الصدقة ما هو مصرف الزكاة". (188/1ط: رشیدیه) فقط والله أعلم
فتوی نمبر : 144109203229
دارالافتاء : جامعہ علوم اسلامیہ علامہ محمد یوسف بنوری ٹاؤن