میری شادی کو دو سال ہوگئے ہیں ،اولاد کی نعمت سے محروم ہوں ، دو مرتبہ اسقاط ِ حمل ہوا ہے ،برائے مہربانی میرے لیے دعا کیجیے اور وظائف بتادیں ، اللہ مجھے اولاد سے نواز دیں!
استغفار اور صدقے کی کثرت کریں، اور ہر فرض نماز کے بعد گیارہ مرتبہ یہ دعا مانگیں:
"{رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ}"
قرآن مجید میں ہے :
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاءَ عَلَيْكُم مِّدْرَارًا وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا (سورة نوح10)
ترجمہ:(اور اس سمجھانے میں ) میں نے( ان سے یہ کہا )کہ تم اپنے پروردگار سے اپنے گناہ بخشواؤ بے شک وہ بڑا بخشنے والا ہے ،کثرت سے تم پر بارش بھیجے گا اور تمہارے مال اور اولاد میں ترقی دے گا اور تمہارے لیے باغ لگا دے گا اور تمہارے لیے نہریں بہا دے گا ۔(بیان القرآن )
فقط واللہ اعلم
فتوی نمبر : 144402100971
دارالافتاء : جامعہ علوم اسلامیہ علامہ محمد یوسف بنوری ٹاؤن