سوال

 سحری اور نماز کے بعد بواسیر کا کافی زیادہ خون آیا ہے اور پیاس اور گھبراہٹ   محسوس هو رہی ہے،  کیا میرا روزہ هو جائے گا یا مجھے کچھ کھا پی لینا چاہیے ؟

جواب

روزے  کی حالت میں بواسیر  کی وجہ سےخون نکلنے سے روزہ فاسد نہیں ہوتا، لہذا اگر آپ نے اس   کے بعد کچھ کھا یا پیا نہیں اور نہ ہی اور کوئی روزہ کے منافی عمل کیا تو آپ کا روزہ صحیح ہوجائے گا، اوراگر خون زیادہ نکلنے کی وجہ سے شدید کمزوری لاحق ہونے کی وجہ سے  روزہ توڑدیا یا کوئی تر دوا بواسیر کے مسوں پر لگا کر اس کو اندر کردیا تو روزہ فاسد ہوجائے گا، اس کے بدلے ایک روزے کی قضا لازم ہوگی۔ فقط واللہ اعلم