سوال

گھر کے گیراج کے اوپر باتھ روم ہے جس کی بیرونی دیوار گلی میں سے نظر آتی ہے، کیا باتھ روم کی اس بیرونی دیوار پر کلمہ طیبہ یا کوئی قرآنی آیت لکھ سکتے ہیں؟

جواب

واضح ہو کہ قرآن کی آیات یا کلمہ طیبہ وغیرہ  لکھنے یا لکھوانے کے وقت ضروری ہے کہ ایسی جگہ پر ہو جہاں اس کے احترام  اور  تعظیم میں کمی نہ آئے،  صورت مسئولہ میں باتھ روم کی بیرونی دیوار پر قرآنی آیت یا کلمہ طیبہ نہ لکھا جائے،یہ ادب کے خلاف ہے ۔

فتاوی شامی میں ہے :

" وقدمنا قبيل باب المياه عن الفتح أنه تكره كتابة القرآن وأسماء الله - تعالى - على الدراهم والمحاريب والجدران وما يفرش، وما ذاك إلا لاحترامه، وخشية وطئه ونحوه مما فيه إهانة فالمنع هنا بالأولى ما لم يثبت عن المجتهد أو ينقل فيه حديث ثابت فتأمل۔"

(۲ ؍ ۲۴۶، سعید)

فقط واللہ اعلم